Teppahreinsun - sérlausnir

Vantar þig teppahreinsun? BG býður húsfélögum, fyrirtækjum og stofnunum upp á heildarlausnir í viðhaldi teppa. Við bjóðum stakar teppahreinsanir og viðhaldssamninga allt eftir þörfum hvers og eins.

Blauthreinsun teppa

Þegar kemur að teppahreinsun eru tveir kostir í boði eftir því hversu mikið þarf að hreinsa teppið. Blauthreinsun er góður kostur þegar hreinsa á teppi sem er mjög óhreint eins og t.d. í stigahúsum og á veitingastöðum.

Verkferlið við blauthreinsun fer fram á eftirfarandi hátt:

1. Teppið er ryksugað og öll laus óhreinindi fjarlægð í burtu.
2. Forhreinsi er úðað yfir álagsbletti á teppinu og er leyft að vinna á teppinu til að leysa upp erfið óhreinindi.
3. Blettir eru fjarlægðir með sérstöku blettahreinsiefni.
4. Teppahreinsiefni er úðað yfir teppið með sérstökum úðara.
5. Óhreinindin er síðan hreinsuð (skoluð) í burtu með teppahreinsivélum (Truck Mount).
6. Teppið er þurrkað (með teppahreinsivélum og blásurum).
7. Teppið er tilbúið til umferðar 1-3 tímum eftir hreinsun*.
   *Fer eftir aðstæðum hverju sinni

BG hefur yfir að ráða stærstu og öflugustu teppahreinsivél landsins.

Þurrhreinsun teppa

Þurrteppahreinsun er frábær leið til hreinsa teppi þegar ekki er þörf á stórhreingerningu með blautu aðferðinni. Þar sem umferð er mikil (hótel, fyrirtæki, stigahús) er hreinsun þessi frábær kostur. Þurrhreinsun teppa er oft nefnd viðhaldshreinsun í daglegu máli. Þegar þurrhreinsun er framkvæmd oftar er hún þá oftast ódýrari kostur en blauthreinsun. Sé þurrhreinsun á annað borð framkvæmd sjaldan er hún mun dýrari kostur.

Þurrhreinsun teppa fer fram á eftirfarandi hátt:

1. Teppið er ryksugað og öll laus óhreinindi fjarlægð í burtu.
2. Forhreinsi er úðað yfir álagsbletti á teppinu og er leyft að vinna á teppinu til að leysa upp erfið óhreinindi.
3. Blettir eru fjarlægðir með sérstöku blettahreinsiefni.
4. Teppahreinsikorni stráð yfir teppið.
5. Teppahreinsikorninu er síðan burstað ofan í teppið með þurrteppahreinsivélum.
6. Teppahreinsikornið er látið vinna á teppinu í góðan tíma.
7. Teppahreinsikornið er síðan ryksugað í burtu með öflugum burstaryksugum.
8. Teppið er tilbúið til umferðar strax eftir hreinsun.

Hafðu samband og sjáðu hvað við getum gert fyrir teppið þitt með blautri eða þurri teppahreinsun.

Nánari upplýsingar er einnig að finna á teppahreinsun.is